இரவின் வலி நிரம்பிய இசை


சித்தாந்தன்

இந்த இரவை யன்னலாக்கி
திறந்து வைத்திருக்கின்றேன்.

என் இமைகளின் வழி நுழைகின்றன
நட்சத்திரப் பறவைகள்.

முன்பு பறவைகளைப் போலத்தான்
பறந்துகொண்டிருந்தது இந்த இரவும்
சற்றுமுன்தான்
அதன் மீது சட்டங்களை அடுக்கி யன்னலாக்கி
உலராத காற்றின் வழியில்
திறந்து வைத்திருக்கின்றேன்.

அதன் மீது
உதிர்ந்த இறகுளை
திரைச் சீலைகளாய் நெய்கிறது காற்று.
தீராப் பகையாளியாய்
காற்று நுழையும் கணங்களில்
எதிர்கொள்ளத் தயங்கும் கடனாளியாக
நான் வெளியேறிவிடுகிறேன் இரவைவிட்டு.

இரவு என் மீதுதான்
தன் வலிநிரம்பிய கானத்தை இசைக்கிறது.

நானோ கானங்களைத் தின்னாச்
செவியுடையவனாகச் சபிக்கப்பட்டிருக்கின்றேன்
ஈரமற்ற காலத்தால்.

யன்னல்களே சிறகுகளாக விரிகின்றன
வானமோ தூர ஏகிச் செல்கின்றது.

தனித்தொலிக்கிறது
இரவின் கானம்.

Related

கவிதைகள் 2917593486470170528

Post a Comment

emo-but-icon

அஞ்சலி- கவிஞர் செழியன்

தங்கள் படைப்புகளையும், விமர்சனங்களையும், கருத்துகளையும்

neelkarai@gmail.com

என்ற மின்னஞ்சல் முகவரிக்கு அனுப்புமாறு கேட்டுக்கொள்கிறோம்.


பட்டியல்

மறுபாதி

மறுபாதி

கறுப்புருவம் சுமக்கும் ஆந்தைகள்

கறுப்புருவம் சுமக்கும் ஆந்தைகள்

மயானகாண்டம்-பிந்திய பதிப்பு

மயானகாண்டம்-பிந்திய பதிப்பு
item